Bu gün Şotlandiya Prmeyerşipinda yeni mövsümə start verilib.
İdmanxeber.com-un məlumatına görə, son çempion “Seltik” öz meydanında “Ross Kaunti” ilə qarşılaşıb və rəqibinə 2 cavabsız qolla qalib gəlib – 2:0.
Bu matçda Qlazqo komandasının ilk qolunu vuran Leyq Qriffits zədələnərək sıradan çıxıb. Qarşılaşmanın 20-ci dəqiqəsində zədələnən hücumçunu Stefan Scepovic əvəzləyib. Qriffitsin zədəsinin ciddi olduğu bildirilir. Onun Bakıdakı görüşdə meydana çıxmayacağı gözlənilir.
Qeyd edək ki, Qriffts “Qarabağ”la Şotlandiyada baş tutmuş oyunun ikinci hissəsinin 70-ci dəqiqəsində meydana çıxmışdı.