Bu gün Azərbaycan Premyer Liqasında 19-cu tura yekun vurulacaq.
İdmanxeber.com-un məlumatına görə, turun son oyun günündə iki qarşılaşma baş tutacaq.
Günün ilk oyunu Sumqaıytda keçiriləcək. Burada "Sumqayıt" AZAL-ı qəbul edəcək. Avrokuboklara vəsiqə qazanmaq üçün mübarizə aparan "Sumqayıt" klubu bu görüşdə var gücü ilə mübarizə aparacaq. "Zirə"nin xal itirməsindən maksimum yararlanmağa çalışan Sumqayıt təmsilçisi bu görüşdə 3 xalı qazanmağa iddialıdır.
Günün son görüşündə isə "Qəbələ" doğma meydanda "Qarabağ"ı qəbul edəcək. Çempionluq uğrunda mübarizə aparan bu iki komandanın dueli azarkeşlər tərəfindən də maraqla gözlənilir. Görüş saat 17:30-da start götürəcək.
19 fevral (bazar)
“Sumqayıt” – AZAL 1:0
QOL: Yusif Nəbiyev, 13 (1:0)
Hakimlər: Rəhim Həsənov, Mehman Mahmudov, Cəmil Quliyev, Elvin Əsgərov
AFFA nümayəndəsi: Rauf Hüseynli
Hakim-inspektor: Asim Xudiyev
“Kapital Bank Arena”, 15:00
“Qəbələ” – “Qarabağ” 2:0
QOL: Sergey Zenyov, 29 (1:0); Filip Ozobiç, 69 (2:0)
Hakimlər: Fariz Yusifov, Elman Musayev, Azər Əsgərov, Ömər Paşayev
AFFA nümayəndəsi: Elbrus Abbasov
Hakim-inspektor: Əli Hüseynov
Qəbələ şəhər stadionu, 17:30