Bu gün Misli Premyer Liqasında XXXIV tura yekun vurulub.
İdmanxeber.az-ın məlumatına görə, təxirə salınmış oyunda “Sabah” Sumqayıtda eyniadlı komandanın qonağı olub. Görüş qonaqların 4:0 hesablı qələbəsi ilə sona çatıb.
Hazırda paytaxt klubu 80 xalla 2-ci, “gənclik şəhəri” təmsilçisi isə 28 xalla 8-ci pillədə qərarlaşıb.
Azərbaycan Premyer Liqası
XXXIV tur
17 may
19:30. “Sumqayıt” – “Sabah” 0:4
Qollar: Con İrasabal, 34 (0:1), David Volkov, 44 (0:2), Kristian da Silva, 45+1 (0:3), Kristian Sebalyos, 72 (0:4)
Qeyd edək ki, “Sabah”ın “Beşiktaş”la yoldaşlıq görüşü ilə əlaqədar sözügedən matçın vaxtı bu günə dəyişdirilib.
Xatırladaq ki, turun əvvəlki oyunlarında “Zirə” evdə “Kəpəz”lə, “Neftçi” “Şamaxı” ilə 1:1 hesablı sülhə razılaşıb, “Turan Tovuz” Qəbələdə eyniadlı komandanı 2:1, “Qarabağ” isə səfərdə “Səbail”i 3:0 hesabı ilə məğlub edib.