Bu gün AFFA-nın növbəti Hesabat Konfransı keçiriləcək.
İdmanxeber.com-un məlumatına görə, saat 11:00-da “Park İnn” otelində təşkil olunacaq Konfransda İcraiyyə Komitəsinə 2 yeni üzvü seçiləcək.
Ötən il dünyasının dəyişən Ələkbər Məmmədovun yerinə Vaqif Sadıqovun, İK-dən istefa verən Elmar Qasımovun əvəzinə isə Firudin Qurbanovun namizədliyi irəli sürülüb. Bundan əlavə, legioner limitinin “6+5”dən 7+4 olacağı gözlənilir.
Konfransın Gündəliyinə aşağıdakı məsələlər daxil olunub:
– Prezident tərəfindən salamlama
– Yığıncağın tərkibinin yoxlanılması
– İcraiyyə Komitəsinin prezident tərəfindən təqdim olunmuş fəaliyyəti haqqında hesabatının təqdim olunması
– Maliyyə hesabatının təsdiq olunması
– Müstəqil auditorun və AFFA-nın Yoxlama və Təftiş Komitəsinin hesabatını nəzərə almaq
– Növbəti ilin büdcəsinin təsdiq olunması
– Hər hansı vakant vəzifəyə seçkilər
– AFFA üzvlərinin təkliflərinin qəbul olunması
– Digər məsələlər