Bu gün AFFA İntizam Komitəsinin növbəti iclası keçirilib.
İdmanxeber.com-un məlumatına görə, Topaz Premyer Liqasının XXIII turunun AZAL – “Xəzər Lənkəran” matçının 90+1-ci dəqiqəsində ev sahibi komandanın 3 №-li futbolçusu Aleksandr Şemonayev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanaraq, klub 200 manat cərimə olunub.
Bundan əlavə “Qəbələ” – “Rəvan” matçında “Qəbələ” klubunun 4, “Rəvan”ın 7 futbolçusu sarı vərəqə cəzalandığı üçün hər iki klub 1000 manat cərimə olunub.
Həmin oyunun 74-cü dəqiqəsində “Rəvan” klubunun qapıçısı Lukas Sapela qeyri-etik jest göstərdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzalanaraq, klub 2000 manat cərimə olunub.