“Çelsi” heyətini yeni futbolçu ilə gücləndirib.
İdmanxeber.com-un məlumatına görə, “zadəganlar” “Roma”nın futbolçusu Antonio Rüdigeri transfer edib. London klubunun rəsmi saytından verilən məlumata görə, Almaniya millisinin üzvü ilə 5 illik müqavilə imzalanıb. Premyer Liqa təmsilçisi bu transfer üçün İtaliya klubuna 38 milyon avro ödəyib.
Qeyd edək ki, 24 yaşlı müdafiəçi “Roma”ya 2015-ci ildə “Ştutqart”dan transfer olmuşdu. O, “canavarlar”ın heyətində meydana çıxdığı 30 oyunda 2 qol vurmağı bacarıb.