“Yuventus” gənc hücumçusu Paulo Dibala ilə müqavilənin müddətini artırmağa yaxındır.
İdmanxeber.com-un məlumatına görə, bu barədə italiyalı jurnalis Canluka di Marsio öz saytında məlumat verib.
Məlumata görə, argentinalı hücumçu ilə 2022-ci ilin yayınadək müqavilə imzalanacaq. Yeni müqaviləyə əsasən, futbolçunun maaşı artırılaraq 7 milyon avroya çatacaq. O, bununla da, Qonzalo İquaynla eyni maaşı alacaq.
Xatırladaq ki, cari mövsüm “Yuventus” forması ilə 35 oyuna çıxan 24 yaşlı futbolçu 16 qol vurub.