Xəbər verdiyimiz kimi, 65 kq çəki dərəcəsində yer alan sərbəst güləşçi Hacı Əliyev finala vəsiqə qazanıb.
İdmanxeber.az-ın məlumatına görə, 3 qat dünya və 3 qat Avropa çempionu yarımfinalda hindistanlı Bacranq Puniya üzərində 12:5 hesablı qələbə sayəsində finala yüksəlib.
Hacı Əliyev həlledici qarşılaşmada yaponiyalı Takuto Otoquroya qalib gəlsə, karyerasında ilk dəfə olimpiya çempionu olacaq. Məğlub olacağı təqdirdə isə o, gümüş medalla kifayətlənəcək.
Final görüşü avqustun 7-də saat 14:30-da keçiriləcək və İdman TV-də canlı yayımlanacaq.
Qeyd edək ki, Hacı Əliyev Rio-2016 Yay Olimpiya Oyunlarında 57 kq çəki dərəcəsində bürünc medal qazanıb.