“Şəmkir” baş məşqçisi Kamran Əlibabayev ağır cəzaya məruz qalıb.
İdmanxeber.com-un məlumatına görə, məşqçinin “Şahdağ”la oyundan sonra hakimlər briqadasını təhqir etməsi ona baha başa gəlib.
AFFA İntizam Komitəsi Əlibabayevi 5 oyunluq cəzalandırıb. Bundan başqa Kamran bəy 500 manat da cərimə ödəyəcək.
Qeyd edək ki, 2:2 hesabı ilə başa çatan matçın hakimlər briqadasında Elgün Hüseynov, Aleksandr Musatkin, Vüqar Bayramov və Namiq Bəkirov yer alıblar.