UEFA Çempionlar Liqasında pley-off mərhələsinin ilk görüşləri başa çatıb.
İdmanxeber.az-ın məlumatına görə, turnirdəki təmsilçimiz “Qarabağ”ın “Viktoriya” ilə oyunda etdiyi qolsuz bərabərliyi Tofiq Bəhrəmov adına Respublika stadionundan 31 min 150 tamaşaçı izləyib. Bu pley-off matçları içərisində ən yaxşı ikinci göstəricidi.
Bu mərhələnin stadiondan ən çox azarkeş izlədiyi qarşılaşması “Reyncers” – PSV oyunu olub – 49 min 097 azarkeş.
Ümumilikdə sıralama aşağıdakı kimidi:
“Reyncers” (Şotlandiya) – PSV (Niderland) – 49097 tamaşaçı
“Qarabağ” (Azərbaycan) – “Viktoriya” (Plzen, Çexiya) – 31150 tamaşaçı
“Makkabi” (Hayfa, İsrail) – “Srvena Zvezda” (Serbiya) – 29132 tamaşaçı
“Kopenhagen” (Danimarka) – “Trabzonspor” (Türkiyə) – 27520 tamaşaçı
“Dinamo” (Kiyev, Ukrayna) – “Benfika” (Portuqaliya) – 16450 tamaşaçı
“Budo Qlimt” (Norveç) – “Dinamo” (Zaqreb, Xorvatiya) – 7762 tamaşaçı