"Xəzər Lənkəran"ın "Qarabağ"la oyunda zədələnən futbolçusu Mbilla Etamenin durumuna aydınlıq gəlib.
İdmanxeber.com-un klubdan əldə etdiyi məlumata görə, ikili mübarizədə yerdə qalan kamerunlu hücumçunun zədəsi elə də ciddi deyil. 26 yaşlı Mbilla Premyer Liqanın 20-ci turu çərçivəsində Lənkəranda keçiriləcək "Neftçi"ylə "Böyük oyun"da Cənub klubuna kömək edə biləcək.
Qeyd edək ki, "Xəzər Lənkəran" Skarlatakenin yeganə qolu ilə "Qarabağ"ı məğlub edib.