19 yaşadək futbolçulardan ibarət milli komandaların Avropa çempionatının seçmə mərhələsində bu gün Azərbaycan yığması ilk oyununa çıxıb.
İdmanxeber.com-un məlumatına görə, Litvada keçirilən seçmə mərhələnin ilk görüşündə yığmamızın rəqibi Avstriya olub. Qarşılaşma rəqibin 4-1 hesablı qələbəsi ilə yekunlaşıb.
Avropa çempionatının seçmə mərhələsi
V qrup
I tur
15:00 Avstriya – Azərbaycan 4-1
Qollar: Arnel Yakupoviç, 23; 66. Aleksandr Koqler, 46. Sandi Lovriç, 81 – Anton Krivotçuk, 41
Qırmızı vərəqə: Elvin Dəmirov, 63
Baş hakim: Conatan Lardot (Belçika)
Azərbaycan yığması növbəti oyununu oktyabrın 6-da Bosniya və Herseqovinaya qarşı keçirəcək.