“Bizi qarşıda ağır oyunlar gözləyir. Milli komandanın formasını geyinmək hər zaman qürurvericidir. Hər bir futbolçu milli komandada çıxış etmək istəyir”.
İdmanxeber.az-ın məlumatına görə, bu sözləri millimizin futbolçusu Mahir Emreli deyib.
O, millinin DÇ-2022-dəki seçmə oyunlarına toxunarkən daha sonra sözlərinə belə davam edib:
“İstər Lüksemburq, istər Portuqaliya, istərsə də İrlandiya oyunları biri-birindən ağır olacaq. Portuqaliya bütün turnirlərdə olduğu kimi favoritdi. Həmişə demişəm, müasir futbolda hər şey mümkündür. İnanıram ki, bu 3 oyunda azarkeşlərimizi sevindirə biləcəyik”.