“Güclü futbolçuların gələcəkdə yaxşı məşqçi olacağını düşünmək düzgün deyil. Mən futbolçu olaraq hər zaman uğur qazanmışam. Məşqçi kimi də oyunçularımın uğur qazanmasına çalışıram”.
İdmanxeber.com-un məlumatına görə, bu sözləri Azərbaycan milli komandasının baş məşqçisi Robert Prosineçki deyib.
Xorvatiyalı mütəxəssis Azərbaycan futbolunun potensialı olduğunu vurğulayıb:
“Azərbaycanda futbolun yaxşı gələcəyi ola biləcəyinə inanıram. Bu ölkədə bacarıqlı, gənc futbolçular var. Azərbaycanda futbolun inkişafı üçün ciddi işlər görür. Azərbaycan əsl futbol ölkəsi olmaq istəyir. Onlar yavaş-yavaş buna nail olacaqlar”.