“Qəbələ” zədəli futbolçularının durumu ilə bağlı açıqlama yayıb.
İdmanxeber.az klubun rəsmi saytına istinadən xəbər verir ki, hazırda üç futbolçu komandanın məşq prosesində iştirak etmir.
Sağ ayağının çarpaz bağları qopan Rüfət Əhmədov həftəsonu əməliyyat olunacaq. Ürfan Abbasov və Yaovi Akakpo proqram üzrə bərpa prosesini davam etdirirlər. Zədədən sonrakı bərpa dövrünü başa vuran Gülağa Əsədov isə “Qəbələ-2”nin məşqlərinə qoşulub.