“Qalatasaray”ın yeni baş məşqçisinin adı məlum olub.
İdmanxeber.com-un məlumatına görə, komanda rəhbərliyi “Kardemir Karabükspor”un xorvatiyalı baş məşqçisi İqor Tudor ilə razılığa gəlib. “Qalatasaray”ın İqor Tudor ilə 1,5 illik müqavilə imzalayacağı gözlənilir.
Xorvatiyalı mütəxəssis 1978-ci il aprelin 16-da Split şəhərində doğulub. Hazırda Türkiyə Super Liqasında mübarizə aparan “Kardemir Karabükspor” komandasının baş məşqçisidir.
Qeyd edək ki, 2013-ci ildən 2016-ci ilədək “Hayduk”un baş məşqçisi olan Tudor 2016/2017-ci il mövsümünün əvvəlində “Kardemir Karabükspor” ilə müqavilə imzalayıb.
Xatırladaq ki, Super Liqanın son turunda öz meydanında “Kayserispor”a uduzmasından sonra “Qalatasaray” rəhbərliyi hollandiyalı baş məşqçi Yan Olde Riekerinki vəzifəsindən uzaqlaşdırmışdı.