“Qarabağ”ın sabiq futbolçusu Samuel Armenteros karyerasını ABŞ-da davam etdirəcək.
İdmanxeber.com-un İtaliya mətbuatına istinadən yaydığı xəbərə görə, “Benevento”nun hücumçusu MLS liqasında mübarizə aparan “Portlend Timbers” klubuna icarəyə verilib.
27 yaşlı forvard mövsümün sonuna kimi ABŞ-da oynayacaq.
Qeyd edək ki, Armenterosun Hollandiyanın “Utrext” klubuna keçidi gündəmdə olsa da, bu transfer baş tutmayıb.
Xatırladaq ki, 2015-2016 mövsümündə “Qarabağ”ın şərəfini qoruyan isveçli futbolçu Ağdam klubunun heyətində 23 oyuna 7 qol vurub. “Qarabağ”dan ayrıldıqdan sonra “Herakles”ə keçən Armenteros 2017-ci ilin yayından İtaliya A Seriyasının debütantı “Benevento”nun formasını geyinir.