• Ana səhifə
  • Müsahibə
  • “Qəbələ”yə gələcəyi iddia olunan məşhur futbolçunun meneceri: “Belə şəraitdə işləmək mümkünsüzdü” – Müsahibə
Müsahibə

“Qəbələ”yə gələcəyi iddia olunan məşhur futbolçunun meneceri: “Belə şəraitdə işləmək mümkünsüzdü” – Müsahibə

Kiyevin "Dinamo" klubunun sabiq hücumçusu Artyom Milevskinin azərbaycanlı meneceri Kamil Məmmədov müştərisinin Türkiyə "Qaziantepspor"undan ayrılmasına münasibət bildirib.

– Milevskiyə "Qaziantepspor"da nə oldu? Niyə müqaviləyə xitam verildi?

– Klub mövsümün əvvəlindən oyunçunun maaşını ödəmirdi. Bu üzdən FİFA-ya da şikayət ünvanlanmışdı, klubun ofisinə xəbərdarlıq məktubu göndərilmişdi. Bir sözlə, tam bir xaos hökm sürürdü. Artyom da bu üzdən klubla danışıb, müqavilənin ləğvinə qərar verdi.

– Ümumiyyətlə, "Qaziantepspor"da nə baş verir?

– Belə şəraitdə işləmək mümkünsüzdü. Yəqin ki, əksər futbolçular oradan gedəcək. Bəziləri artıq bu yöndə danışıqlar aparırlar. Bizim üçün "Qaziantepspor" tarixi başa çatıb.

– Milevski bundan sonra nə edəcək? Yəqin ki, onun Ukraynaya qayıtmaq ehtimalı daha yüksəkdi…

– İndi hamı istirahətdədi. Yeni variantlar mütləq olacaq.

Qeyd edək ki, Milevski "Qaziantepspor"da cəmi 4 ay oynadı. O, 2013-cü ilin sentyabr ayında transfer olunduğu bu komandada 8 matça çıxıb (6 çempionat, 2 kubok oyunu). Lakin həmin oyunların da heç birini 90 dəqiqə meydanda olmayıb. Bu müddətdə o, 1 qol vurub və eyni sayda da məhsuldar ötürməylə yadda qalıb.
 

Hazırda Milevskinin karyerasını davam etdirəcəyi ehtimal olunan klublar arasında "Qəbələ"nin də adı hallanır. 

 


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

Araz Abdullayev: “Hər şeyin öz vaxtı var” (MÜSAHİBƏ)

admin

Zaur Axundov: “Bizim üçün “Dalğa Arena” daha əlverişlidi”

admin

“Qarabağ”ı UEFA-dan gözləyən təhlükə: “Şəkilləri də çəkilərək UEFA-ya göndərilib” – MÜSAHİBƏ

admin