“Kəpəz”in baş məşqçisi Tərlan Əhmədov səfərdə “Sumqayıt”la qolsuz heç-heçə etdikləri Misli Premyer Liqasının VIII tur oyunundan sonra fikirlərini bölüşüb.
İdmanxeber.az xəbər verir ki, təcrübəli mütəxəssis oyunla bağlı bunları deyib:
“Rahatca qalib gələ bilərdik. Amma görünən odur ki, komanda üzərində təzyiq böyükdür. Amma klub rəhbərliyi ilə birlikdə bunun öhdəsindən gəlməyə çalışırıq. Bu gün maraqlı oyun gördük. Belə qarşılaşma gözləyirdim. Autsayderlərin mübarizəsində təzyiqə baxmayaraq, komandam yaxşı oyun sərgilədi”.