"Mən dünən də demişdim ki, oyun çətin keçəcək və belə də oldu. Bütün Azərbaycan üçün vacib oyun idi və vacib qələbə idi. Rəqib futbol oynamağa qoymurdu. Hamını qələbə munasibətilə təbrik edirem. Bizim sevinməyə vaxtımız olmayacaq. Çünki sabah Çexiyaya yola düşürük və orda da bizi çətin oyun gözləyir".
İdmanxeber.com-un məlumatına görə, bu sözləri Azərbaycan yığma komandasının baş məşqçsi Robert Prosineçki Norveçlə DÇ-2018 seçmə mərhələsi ikinci turu çərçivəsində keçirilən matçdan (1:0) sonra deyib.
Oyundan sonra mətbuat konnfransında iştirak edən Prosineçki jurnalistlərin suallarını cavablandırıb
– Bu qələbə komandaya əlavə ruh yüksəkliyi verəcək, ya arxayınçılıq yarada bilər?
– Bu suala cavab vermək çətindi. Mən komandaya da biraz öncə tapşırdım ki, sevinin ancaq unutmayın ki, 3 gün sonra oyundu. Çexiya ilə matçda bir neçə mövqedə dəyişiklik olacaq. Fiziki gücü yerində olan futbolçular Çexiya səfərində meydana çıxacaq. Bügünkü qələbə bizə motivasiya vərəcək ki, çətin səfərdən yaxşı nəticə ilə qayıdaq.
– Sizin üçün əsas nəticədi, yoxsa komandanın oyunu?
– Sössüz ki, axırda hər bir məşqçi üçün nəticə önəmlidi. Bilirdik ki, azarkeşlər bizdən qələbə gözləyirlər. Bəlkə də, bu gün yaxşı oyun sərgiləmədik. Ancaq əmin olun ki, əlimizdən gələni etdik. Qələbə bizim üçün çox vacib idi.