Ötən ilin sonlarında Bakıya səfər edən Ronaldinyo ölkəmizdə futbol məktəbi açacaq.
İdmanxeber.com-un məlumatına görə, bunun üçün braziliyalı bu gün “Qəbələ” ilə rəsmi sözləşmə imzalayıb. İmzalama mərasimi Dubayın “Burc əl Ərəb” otelində baş tutub. “Qəbələ”nin vitse-prezidenti Fariz Nəcəfovun iştirak etdiyi imzalama mərasimində tərəflər 2 illik sözləşməyə qol çəkiblər.
Qeyd edək ki, tədbir Ronaldinyonun rəsmi “facebook” səhifəsi vasitəsi ilə canlı yayımlanıb. Tədbirdə çıxış edən klubun kommersiya direktoru Mustafa Aztopal qonaqlara Azərbaycanla bağlı məlumatlar çatdırıb.