"Neftçi"nin "İnter"lə səfər matçından sonra paltardəyişmə otağının qarşısında hər iki tərəfin futbolçuları arasında qalmaqalın baş verdiyi haqda məlumat vermişdik.
İdmanxeber.com–un məlumatına görə, paltardəyişmə otağına gedən tuneldə baş verən insidentə səbəb "bankirlər"in mühafizəçiləri və klubun prezidenti Georgi Nikolov olub. Sən demə, Nikolov piyan imiş və nə etdiyini belə bilmirmiş.
Əsasnamədə göstərilib ki, klubların mühafizəçiləri soyunub-geyinmə otağına daxil ola bilməz və gərə bu qaydaya riayət etməyən komandaya texniki məğlubiyyət verilə bilər.
Artıq "Neftçi" tərəfi baş verən bu olaylarla bağlı AFFA nümayəndəsi Qürbət Həsənova şikayətini bildirib.