“Neftçi” – “Uypeşt” oyununu izləmişəm. Hava çox isti idi. Ona görə də matçın tempi yüksək deyildi”.
İdmanxeber.com-un məlumatına görə, bu sözləri “Sevilya”nın baş məşqçisi Pablo Maçin deyib.
Avroliqanın 2-ci təsnifat mərhələsində potensial rəqibləri olan “Neftçi” və “Uypeşt”in ilk oyunu haqda danışan çalışdırıcı istənilən rəqiblə oyunun çətin keçəcəyini bildirib:
“İndi bilməliyik ki, səfərimiz hansı ölkəyə olacaq – Macarıstana, yoxsa Azərbaycana. Hər halda bütün oyunlar çətindir. Bizim üçün vacib olan odur ki, bu mərhələni keçək”.
Xatırladaq ki, Avroliqanın ilk təsnifat mərhələsində Bakıda keçirilən “Neftçi” – “Uypeşt” matçı təmsilçimizin 3:1 hesablı qələbəsi ilə başa çatıb.