Ölkə futbolu

Soni Mustivar: “Yoxlama oyunlarının hamısına ciddi yanaşırıq”

“Neftçi”nin yarımmüdafiəçisi Soni Mustivar “Slovan”la yoxlama oyunundan (1:2) sonra klubun rəsmi saytına açıqlama verib.

İdmanxeber.az-ın məlumatına görə, haitili futbolçu sınaq matçlarına ciddi yanaşdıqlarını bildirib:

“Məncə, pis oynamadıq. Sadəcə, iki epizodda diqqətsizlik etdik. Təəssüf ki, hər iki vəziyyət qapımıza qolla nəticələndi və buna görə də məğlub olduq. Sınaq matçı olmasına baxmayaraq, uduzmaq istəməzdik. Ümumiyyətlə, yoxlama oyunlarının hamısına ciddi yanaşırıq. Çünki, fikrimcə, məşqlərimiz oyunda öz əksini göstərir. Məşqlərdə səhvlərimiz üzərində çalışırıq. Daha da yaxşı oynamalıyıq ki, komandada özünəinam artsın”.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43