AFFA “Sabah” – “Neftçi” oyununun hakimlərinin idarəçiliyi ilə bağlı araşdırma aparacaq.
Bu barədə qurumun sosial şəbəkə hesabı məlumat yayıb.
Bildirilir ki, Azərbaycan Premyer Liqasının XXIV turu çərçivəsində aprelin 25-də keçirilmiş “Sabah” – “Neftçi” oyununun hakim-inspektoru tərəfindən təqdim olunacaq hesabata əsasən (hər oyundan sonra həyata keçirilən prosedura uyğun olaraq) qarşılaşmanın hakimlər briqadasının idarəçiliyi ilə əlaqədar AFFA-nın Hakimlər Komitəsi tərəfindən müvafiq araşdırma aparılacaq.
Sözügedən qarşılaşmanı Vüqar Həsənlinin başçılıq etdiri hakimlər briqadası idarə edib. Hakimlərin qərarları ciddi müzakirələrə səbəb olub.