“Oyun yaxşı keçdi. Baş məşqçinin tapşırıqlarını yerinə yetirməyə çalışdıq”.
İdmanxeber.az xəbər verir ki, bu sözləri “Neftçi”nin futbolçusu Ömər Buludov Topaz Premyer Liqanın 16-cı turunda “Keşlə”yə qalib gəldikləri oyundan (2:0) sonra klubun saytına açıqlamasında deyib.
Gənc müdafiəçi qələbənin asan olmadığını bildirib: “Çətin olsa da, qələbə qazadıq. 3 xal bizim üçün vacib idi. “Keşlə” turnir cədvəlinin 7-ci pilləsində qərarlaşsa da, asan rəqib deyil. Bunu oyun da göstərdi. Buna görə də ciddi hazırlıq keçmişdik. Çox şadam ki, qalib gəldik”.