Türkiyənin Super Liqa təmsilçisi Kasımpaşa komandasına yeni baş məşqçi təyin olunub.
İdmanxeber.az-ın məlumatına görə, klub rəhbərliyi Emre Belözoğlu ilə rəsmi müqavilə imzalandığını açıqlayıb.
Məlumata görə, İstanbul təmsilçisi əvvəlki çalışdırıcısı ilə yolları ayırdıqdan sonra Belözoğlu ilə danışıqları sürətləndirib və anlaşma əldə olunub. Klub rəhbərliyinin də iştirak etdiyi imza mərasimindən sonra Kasımpaşada yeni dövrün başladığı bildirilib.
Kasımpaşa rəhbərliyi yeni baş məşqçidən komandanın çıxışında sabitlik və yüksəliş gözlədiyini vurğulayıb.