Ermənistan millisinin və Rusiya “Spartak”ının sabiq futbolçusu Yura Movsisyan ABŞ-ın “Real Solt Leyk” klubundan göndərilə bilər.
İdmanxeber.com-un məlumatına görə, buna klubun 30 yaşlı hücumçunu komandada görmək istəməməsi səbəb olub. Əsas heyətdən kənarda qalan təcrübəli forvardın hazırkı klubu ilə 2 illik müqaviləsi var. O, komandadan göndəriləcəyi təqdirdə, iki il ərzində ona veriləcək 4 milyon dolları almaq niyyətindədir.
Movsisyan MLS klubunu tərk edəcəyi təqdirdə, azad agent statusu daşıyacaq.
Qeyd edək ki, 30 yaşlı futbolçu ötən mövsüm “Real Solt Leyk”də 28 oyun keçirib və 7 dəfə fərqlənib.