“Atletiko”nun hücumçusu Joao Feliks gələn mövsüm də Premyer Liqada qalmağı planlaşdırır.
İdmanxeber.az-ın məlumatına görə, icarə əsasında “Çelsi”də çıxış edən oyunçu London klubundan ayrılmağa müsbət yanaşsa da, İngiltərədə oynamağa davam etmək niyyətindədir.
O, Çempionlar Liqasına vəsiqə qazanan komandaların birinə transfer olunmaq istəyir. 23 yaşlı portuqaliyalı müqaviləylə “Atletiko”ya məxsusdur. Onun “zadəganlar”la sözləşməsi mövsüm sonu bitir.
Feliks London klubunda 17 oyun keçirib və 3 qol vurub.