“Hələ ki, Tərlan müəllimlə danışmamışam. Görəsən nə tapşırıq olub ki, mən onu icra etməmişəm? Nə olubsa danışıb müzakirə edəcəyik”.
Bu sözləri İdmanxeber.az-a açıqlamasında “Kəpəz”in əsas heyətindən “dubl”a göndərilən Əli Səmədov deyib.
Hazırda əvəzedici heyətdə oynayan Gəncə klubunun kapitanı qısa zamanda məsələnin həll olunacağına inandığını bildirib:
“Əgər Tərlan müəllim elə deyirsə deməki ki, nəsə görüb, üstündə dayanıb. Mənimlə danışanda bunları mənə deyəcək”.