Rusiya millisinin və “Qəbələ”nin sabiq futbolçusu Marat İzmaylov Moskvanın “Ararat” klubuna keçib.
İdmanxeber.com-un məlumatına görə, 34 yaşlı futbolçu qarşıdakı mövsümü Rusiyanın ikinci divizion klubunda keçirəcək.
Xatırladaq ki, ermənilərə məxsus “Ararat” klubu 2017-ci ildə yaradılıb və Rusiyanın 3-cü divizionunda mübarizə aparıb. Yeni mövsümdən ikinci divizionda çıxış edəcək komanda Marat İzmaylovdan əvvəl daha bir tanınmış futbolçu – Roman Pavlyuçenkonun da transferini reallaşdırmışdılar. Klubun, prezident Andronik Keropyandır.
Qeyd edək ki, Marat İzmaylov karyerası ərzində “Lokomotiv”, “Sportinq”, “Portu”, “Qəbələ” və “Krasnodar” klublarında çıxış edib.