Kateqoriyasız

Kazemiro “Real”la göz yaşları içində vidalaşdı: “Açıq şəkildə bildirmək istəyirəm ki…”

“Real”dan “Mançester Yunayted”ə keçən Karlos Kazemiro Madrid klubu ilə vidalaşıb.

İdmanxeber.az xəbər verir ki, o, vida mərasimi zamanı göz yaşlarını saxlaya bilməyib:

“Burada inanılmaz dərəcədə möhtəşəm zaman keçirdim. Qazandığımız son Çempionlar Liqası kubokunun xatirələri ilə ayrılıram. Luka Modriç və Toni Kroosla oynayaraq futboldan hədsiz zövq alırdım. Açıq şəkildə bildirmək istəyirəm ki, bir gün yenidən azarkeşlərin sevgisini görmək, bu klubda oynamaq üçün qayıdacağam. “Real”da öyrəndiklərim mənə “Mançester Yunayted” kimi böyük klubda oynamaq üçün güc verir. Klub prezidentinə təşəkkür edirəm. “Real” madrid sizinlə irəlidə də qalib gəlməyə davam edəcək və parlaq gələcəyi olacaq”.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43