“Kevin Medinanın “Qarabağ”a transferi tamamlanıb”.
İdmanxeber.az-ın məlumatına görə, bu sözləri Portuqaliyanın “Şaveş” klubunun prezidenti Fransisku Joze Karvalyu açıqlamasında deyib.
O, bildirib ki, beynəlxalq uçuşlar bərpa edildiyi anda Medina tibbi baxışdan keçəcək:
“Yalnız tibbi müayinədən keçmək lazımdır. Ancaq beynəlxalq uçuşlar olmadığı üçün bu məsələ qalıb”.
Qeyd edək ki, 2019-cu ildən “Şaveş”də oynayan K.Medina bu mövsüm 11 oyunda meydana çıxıb. Onun”Qarabağ”la 3 illik müqavilə imzalayacağı gözlənilir.