Bu gün futbol üzrə Misli Premyer Liqasında XI tura yekun vurulacaq.
İdmanxeber.az-ın məlumatına görə, sonuncu oyun günündə daha iki qarşılaşma keçirilib. Günün ilk görüşündə “Səbail” “Şamaxı”nı qəbul edib. Qarşılaşma qolsuz bərabərliklə sona çatıb – 0:0.
Turun mərkəzi görüşündə “Neftçi” ilə “Sabah” üz-üzə gəlib. Matç qonaqların qələbəsi ilə başa çatıb – 2:3.
Azərbaycan Premyer Liqası, XI tur
23 oktyabr (bazar)
16:00. “Səbail” – “Şamaxı” 0:0
Hakimlər: İnqilab Məmmədov, Cavanşir Yusifov, Rahil Ramazanov, Səbuhi Bayramov
Hakim-inspektor: Ramil Diniyev
“ASCO Arena”
18:30. “Neftçi” – “Sabah” 2:3
Qollar: Coy Lens Mikels, 36 (0:1), Emmanuel Apeh, 45+7 (0:2), Aleksey İsayev, 52 (0:3), Ömər Buludov. 71 (1:3), Emin Mahmudov, 83-pen. (2:3)
Hakimlər: Kamal Umudlu, Rəhman İmami, Vüsal Məmmədov, Tural Qurbanov
Hakim-inspektor: Anar Salmanov
“Bakcell Arena”
Qeyd edək ki, turun əvvəlki oyunlarında “Qarabağ” “Turan Tovuz”u 3, “Zirə” “Sumqayıt”ı 2 cavabsız qolla üstələyib. “Qəbələ” – “Kəpəz” matçında isə qalib müəyyənləşməyib – 1:1.