“Neftçi” ilə matçda zədələnən “Sabah”ın futbolçusu Aleksey Kaşuk dərhal xəstəxanaya aparılıb.
İdmanxeber.az-ın məlumatına görə, ukraynalı yarımmüdafiəçinin zədəsi ciddi. Bu barədə “Sabah”ın baş məşqçisi Murad Musayev deyib. Ayağının sınma ehtimalı olduğu bildirilən Kaşukun son durumuna həkim müayinəsindən sonra aydınlıq gələcək.
Qeyd edək ki, Kaşuk “Neftçi”yə qalib gəldikləri (3:2) matçın ikinci yarısında ciddi zədə alıb və göz yaşları içərisində meydanı tərk edib.