Avropa Liqasının 4-cü turunda APOEL-lə matçda zədələnən “Qarabağ”ın futbolçuları – Dani Kintana və Miçelin son durumu müəyyənləşib.
İdmanxeber.az-ın məlumatına görə, hər iki futbolçunun əzələsi dartılıb. Zədəsi ciddi olan Kintana 3-4 həftə yaşıl meydanlardan uzaq qalacaq. Oyunun 83-cü dəqiqəsində zədə səbəbindən meydanı tərk edən Miçelin isə durumu ciddi deyil.
Qeyd edək ki, Kintana böyük ehtimalla “Sevilya” ilə noyabrın 29-da keçiriləcək səfər matçını buraxacaq.