Avropa Liqasının qrup mərhələsinin son turunda Bakıda "İnter"lə qarşılaşacaq "Qarabağ" ciddi itki ilə üzləşib.
İdmanxeber.com-un məlumatına görə, Ağdam klubunun müdafiəçisi Bədavi Hüseynov bugün "Neftçi" ilə oyunda zədələnərək sıradan çıxıb. "Köhlən atlar"ın əsas futbolçularından sayılan Hüseynov matçın ikinci yarısında Qurban Qurbanovdan əvəzlənməsini istəyib. Məhz bundan sonra təcrübəli məşqçi müdafiəçini Admir Teli ilə əvəzləyib.
Futbolçunun zədəsinin nə dərəcədə ciddi olub-olmamasına həkim müayinəsindən sonra aydınlıq gələcək.
Qeyd edək ki, zədə üzündən Danilo Dias, Reynaldo, Çumbinyo kimi futbolçular "Qarabağ"a kömək edə bilmirlər.