“Siti”nin baş məşqçisi Xosep Qvardiola “Yuventus”a keçəcəyi iddialarına aydınlıq gətirib.
İdmanxeber.az-ın məlumatına görə, təcrübəli mütəxəssis çıxan xəbərləri təkzib edib. O, Mançester təmsilçisi ilə çalışmağa davam edəcəyini bildirib:
“Mənim “Siti” ilə 2021-ə qədər müqaviləm var. Qovulmadığım müddətcə burada çalışmağa davam edəcəm. Ola bilər ki, müqaviləm başa çatdıqdan sonra da “Siti”də qaldım. Burada uzun müddət çalışmaq istəyirəm”.
Qeyd edək ki, “Mançester Siti” son 11 oyunda 10 qələbə qazanıb.