Bu gün Çempionlar Liqasında 2016/2017-ci il mövsümünün final görüşü keçiriləcək.
İdmanxeber.com-un məlumatına görə, Uelsin paytaxtı Kardiff şəhərində keçiriləcək final matçında "Real"la "Yuventus" üz-üzə gələcək.
İspaniya təmsilçisi ümumilikdə 11 dəfə Çempionlar Liqasının qalibi olaraq turniri ən çox qazanan komandadır.
“Yuventus” isə 2 dəfə ÇL-in qalibi olub, 6 dəfə finalda məğlubiyyət acısı yaşayıb. Sonuncu dəfə 21 il əvvəl kuboku qazanan “Qoca Sinyora” 2 il öncə finalda “Barselona”ya məğlub olmuşdu.
19 il əvvəl də ÇL-in finalı bu komandaların iştirakı ilə baş tutmuşdu və həmin vaxt Predraq Miyatoviçin yeganə qolu “Real”a 1:0 hesablı qələbə qazandırmışdı.
UEFA Çempionlar Liqası
Final
3 iyun
22:45. “Yuventus” (İtaliya) – “Real” (Madrid, İspaniya) 1:4
QOL: Kriştiano Ronaldo, 20 (0:1), 64 (1:3), Mario Mandzukiç, 27 (1:1), Kasemiro, 61 (1:2), Asensio, 90 (1:4)
Baş hakim: Feliks Brix (Almaniya)