AFFA İntizam Komitəsinin iclası keçirilib
Topaz Premyer Liqasının VIII turunun “Qəbələ” – “Neftçi” matçının 67-ci dəqiqəsində “Qəbələ” klubunun futbolçusu Təmkin Xəlilzadə ikinci sarı vərəqə alaraq meydançadan kənarlaşdırılıb. Bu səbəbdən futbolçu 1 oyun cəza alıb, klub 200 manat cərimə olunub. Oyunun 64-cü dəqiqəsində “Qəbələ” klubunun azarkeşləri tərəfindən meydançaya kənar əşyalar atıldığı üçün əyalət təmsilçisi 1600 manat cərimə olunub.
Matçın eyni dəqiqəsində “Neftçi” klubunun azarkeşləri tərəfindən də meydançaya kənar əşyalar atıldığı üçün klub 1600 manat cərimə olunub .
Qeyd edək ki, “Neftçi” klubunun azarkeşlərinin olduğu sektorda oturacaqlar sındırılıb. Stadiona dəymiş ziyan “Qəbələ” klubunun təqdim edəcəyi hesaba uyğun olaraq “Neftçi” klubu tərəfindən ödəniləcək.