Adrian Mutunun gəlişindən sonra “Neftçi”də əsas heyətə düşməkdə çətinlik çəkən Azər Salahlı qışda komandadan ayrılmağı düşünür.
İdmanxeber.az-a daxil olan məlumata görə, təcrübəli futbolçunun ilk müştərisi də bəllidi. Bu, “Araz Naxçıvan”dı. Premyer Liqa təmsilçisi “Neftçi”də işləri qaydasında getməyən sol cinah müdafiəçisi ilə təmasa keçib. Naxçıvan klubunun baş məşqçisi Azər Bağırov Salahlını komandasında görmək istədiyini rəhbərliyin diqqətinə çatdırıb.
Tərəflər arasında danışıqlar başlayıb və ilkin razılığın əldə olunduğu bildirilir.