Çempionlar Liqasının III təsnifat mərhələsinin ilk matçında səfərdə Çexiyanın “Viktoriya Plzen” klubunun qonağı olacaq “Qarabağ” bu gün səfərə yola düşür.
İdmanxeber.com-un məlumatına görə, təmsilçimiz bu gün saat 15:30-da Bakı – Plzen reysi ilə ölkəni tərk edəcək.
Axşam saatlarında komanda oyunun keçiriləcəyi şəhərə çatacağı gözlənilir.
Qeyd edək ki, sabah keçiriləcək “Viktoriya Plzen” – “Qarabağ” oyunu Bakı vaxtı ilə saat 22:15-də başlayacaq.