“Qarabağ”ın Avropa Liqasının qrup mərhələsinin sonuncu turunda “Frayburq”la matçına görə “Bakı Metropoliteni” QSC gücləndirilmiş rejimdə işləyəcək.
İdmanxeber.az-ın əldə etdiyi məlumata görə, Ağdam klubu sözügedən matçın gec başlaması səbəbindən (saat 21:45) “Bakı Metropoliteni” QSC-yə iş rejiminin 1 saat uzadılması xahişi ilə müraciət edib və “okey” alıb.
Noyabrın 3-də Tofiq Bəhramov adına Respublika stadionunda gerçəkləşəcək oyuna tamaşaçı marağını nəzərə alaraq, Bakı metropoliteninin iş rejimində müvafiq dəyişiklik edilməsi nəzərdə tutulub.