Ölkəmizə bir neçə gündür ki, yağan qar həftəsonu keçiriləcək oyunların bəzilərini təxirə salınması ilə üz-üzə qoya bilər.
Məsələ burasındadır ki, ötən həftəsonu “Sumqayıt” – “Qəbələ” matçı bir gün daha gec başlamışdısa, “Neftçi” – “Simurq” oyunun isə məkanı dəyişdirilmişdi.
Premyer Liqanın XX turunun mərkəzi qarşılaşmasından biri olan “Qəbələ” – “Qarabağ” matçının keçirilməsində isə heç bir problem yoxdu. Daha doğrusu Qəbələyə yağan qar sözügedən matçın keçirilməsinə problem yaratmamalıdı.
Bu barədə idmanxeber.com-a əyalət klubunun mətbuat xidmətinin rəhbəri Anar Hacıyev məlumat verib. Klub rəsmisi bildirib ki, stadionun ot örtüyünün isitmə sistemi olduğundan qar onlara elə də ciddi problem yaratmayacaq:
“Düzdü, qar stadionu cənginə almışdı. Ancaq tez bir zamanda ot örtüyü qardan təmizləndi və hal-hazırda hər şey qaydasındadı. “Qarabağ”la oyuna kimi də həır şey qaydasında olacaq. Bundan əlavə ot örtüyünün isitmə sistemi olduğundan inanmıram ki, qar bu oyunun keçirilməsinə mane ola bilsin”.