Qazaxıstanın “Astana” klubunun Çempionlar Liqasının I təsnifat mərhələsində “Sutyeska” ilə cavab oyunu üçün heyəti müəyyənləşib.
İdmanxeber.com-un məlumatına görə, baş məşqçi Roman Qriqorçuk Monteneqroya apardığı 22 nəfərlik siyahıda millimizin yarımmüdafiəçisi Riçard Almeyda da yer alıb.
“Qarabağ”ın daha bir sabiq futbolçusu, hazırda Qazaxıstan klubunda icarə əsasında oynayan Pedro Enrike isə cavab görüşü üçün heyətə daxil edilməyib. Buna səbəb braziliyalı yarımmüdafiəçinin heyətə sifariş vaxtından sonra cəlb edilməsidir. P.Enrike “Astana”a növbəti mərhələyə yüksələcəyi təqdirdə, sifariş oluna bilər.
Qeyd edək ki, “Sutyeska” – “Astana” görüşü iyulun 18-i Bakı vaxtı ilə saat 22:00-da başlanacaq.