Bordin debüt oyununa çıxıb.
İdmanxeber.az-ın məlumatına görə, Topaz Premyer Liqasının açılış qarşılaşmasında “Neftçi”i “Sumqayıt”ı məğlub edib. Qarşılaşmanın ardından keçirilən mətbuat konfransında “Flaqman”ın baş məşqçisi Roberto Bordin jurnalistlərin suallarını cavablayıb.
O, oyundan razı qalmadığını bildirib:
“Əvvəlcə onu qeyd edim ki, qalib gəlsək də oyundan razı qalmadım. İrəlliyən oyunlarda daha yaxşı çıxış etməliyik”
-Anton Krivotsyuku mərkəz müdafiəçisi kimi oynatdınız. Ondan istədiyinizi ala bildiniz?
-Onun oyunu məni qane etdi. Bu mövqedə pis təsir bağışlamadı.Sarı vərəqə almamalı idi.
–Müdafiədə açıq-aşkar problem olduğu görünür. Bu mövqeye yeni transfer olacaqmı?
-Problem olduğunun fərqindəyik. Bunu həll etmək üçün çalışırıq.
–Səlahət Ağayev oyunu gec başlayırdı. Ona iradınız bununla bağlı idi?
-Yalnız Səlahətə deyil bütün oyunçularıma ara-sıra iradlarımı bildirirəm. Hər zaman oyunu tez başlamalı olduğumuzu söyləyirəm. Hesabda irəlidə olsaq belə.
“Qarabağ”la oynayacağınız matçlar barəsində nə düşünürsünüz? Onlarla rəqabət apara biləcəksinizmi?
-Hələki “Qarabağ” oyunları barəsində heçnə düşünmürəm. Bizi qarşıda çətin “Qəbələ” oyunu gözləyir.
-Bugün Azərbaycan Premyer Liqasında debüt oyununuza çıxdınız. Çempionatımız barəsində nə deyə bilərsiniz?
–Azərbaycan çempionatında səviyyəli xarici oyunçularla yanaşı, yerli oyunçular da var. Hələki bunu deyə bilərəm.