Bu gün I Divizionun 14-cü turundan təxirə salınmış "Ağsu" – "Bakılı" matçı keçirilib – 7:0.
İdmaxneber.com-un məlumatına görə, matçdan sonra keçirilən mətbuat konfransında "Ağsu"nun maş məşqçisi Rüfət Quliyev jurnalistlərin suallarını cavablandırıb.
– Azarkeşlərimi və komandamı təbrik edirəm. Hər şey göz qabağında idi. 7:0 hesablı qələbə qazandıq. Növbəti oyunlara hazırlaşacağıq. Çalışacağıq daha yaxşı nəticələr qazanaq.
– Komandanın builki hədəfi nədir?
– Komandanın hədəfi uşaq futbolunun inkişaf elətdirməkdir, Premyer Liqaya hazırlaşmaqdır, medallara oynamaqdır. Çalışırıq daha da inkişaf eləyək.
– Hesabın belə olmasına rəqib baş məşqçinin ehtiyyat skamyada oturmaması səbəb oldu?
– Yox, deməzdim ki, bu hesab buna görə idi. O, orada olmasa da, öz məsləhətlərini verirdi. Yaxşı oynadıq və belə hesablı qələbə qazandıq.
– Azarkeşlərin stadiona gəlməməsinə səbəb nədi?
– Əvvəllər azarkeş daha çox gəlirdi. Son zamanlar isə azarkeşlər bir az uzaqlaşıb stadiondan. Bura futbol regionu olmayıb. Amma komanda yaxşı nəticələr qazanacaqsa, əminəm ki, stadion yenə dolacaq.
– Elnur Səmədov bu gün het-trik etdi. Gələcəyi ilə bağlı gözləntiləriniz varmı?
– Elnur yaxşı futbolçudur. Çox oyunlarda fərqlənir. Gələcəkdə daha yaxşı nəticələr əldə edəcəyinə əminəm.