Premyer Liqanın V turu çərçivəsində "Neftçi" ilə "Böyük oyun"da üz-üzə gələcək "Xəzər Lənkəran" prinsipial matçın hazırlıqlarını davam etdirir.
İdmanxeber.com-un məlumatına görə, Lənkəran klubunun zədəli olduğu deyilən futbolçusu Adrian Skarlatake komandayla birgə məşq edir.
Klubun mətbuat xidmətinin rəhbəri Hüseyn Cəbrayıloğlu idmanxeber.com-a açıqlamasında Skarlatakenin zədəli olmadığını və "Neftçi" ilə vacib matçda meydana çıxacağını bildirib:
"Skarlatake zədəli deyildi ki… Bilmirəm bu söhbətlər hardan çıxır. O, komandayla birgə məşq edir və "Neftçi" ilə oyunda məşqçimizin sərəncamıənda olacaq".
Qeyd edək ki, "Neftçi" – "Xəzər Lənkəran" matçı sentyabrın 13-də keçiriləcək.