“Neftçi” istirahəti başa vurub. Komandanın üzvləri bu gün məşqləri bərpa edib.
Klubun bazasında baş tutan 2019-cu ilin ilk hazırlıq prosesi fiziki və texniki çalışmaların yerinə yetirilməsi ilə başlayıb. Sabahdan etibarən gündə iki dəfə məşq edəcək “ağ-qaralar”ın Bakıdakı təlim-məşq toplanışı yanvarın 12-də başa çatacaq.
Yanvarın 13-dən 27-dək Türkiyənin Antalya şəhərindəki Manavqat bölgəsində yerləşən “The Sense De Luxe” otelində məskunlaşacaq “Neftçi” hazırlıq çərçivəsində 3 yoxlama oyunu keçirəcək. Komandamız ayın 18-də “Qaz Metan” (Rumıniya), 23-də “Slovan” (Liberes, Çexiya), 26-da isə “Beroe” (Bolqarıstan) klubları ilə qarşılaşacaq.