Öncədən də xəbər verdiyimiz kimi, “Səbail” Fakundo Kardozonu transfer etməyə yaxındı.
Klubun mətbuat xidmətinin rəhbəri Sənəm Fərhadlı İdmanxeber.az-a açıqlamasında argentinalı futbolçu ilə danışıqların getdiyini təsdiqləyib:
“Bəli, bu futbolçu ilə danışıqlar gedir. Ancaq argentinalı müdafiəçi hələ ki, düşərgəmizə qoşulmayıb. Bu keçidin alınıb-alınmaması yaxın günlərdə bilinəcək”.
Qeyd edək ki, müxtəlif illərdə ölkəsinin “Platense”, “Oll Boys”, “Arsenal Sarandi” klublarında oynayan Kardozo Argentinanın U-20 millisində də çıxış edib.